di Franco Valva: (Ciù ciù, ddoje “stroppole” da parte mia e d’è guagljiuni p’è cinquant’anne tuoje.)
M’e pare ajere
Quanta vote se dice m’è pare ajere
e quanti vvote l’aggio ‘ntiso e ricere.
Si tratta e quando tu nascist’
piccerella ma già ‘nzist’,
pure pateto guardanno a mammeta stasera
ll’è diciarrà: Titì, ‘mme pare ajere.
T’arricuorde e quanno crijatura piccerella
pazzijavi ‘à semmana , ‘a cucenella
e ghjive ‘a scola cà cartella?
me pare ajere,
e quanno, addivintata po’ signurinella,
sturentella accunciulella,
tignive c’ò russetto sta vucchella?
mè pare ajere,
n’à vutata r’uocchie, nù sciuscio, n’à ventata,
te si truvata femmena …. e mmaretata,
mugliera accorta, verace e cuscienziosa
comm’ ogni omm’ vulesse fosse ‘a sposa,
mè pare ajere,
chelli nuttate c’a mamma t’anno vist’
c’a prijav sempe a Crist,
e nun prijavi no pè nun sentì dulore
ma pa’ a crijatura toja, c’a tenesse rinto ò core,
me pare ajere,
si stata mamma cù granda devuzione
muglierà cù tanta n’a passione,
tutt’ò core te si spiso
ca già te si abbuscata o paraviso,
ò ssaccio, ò ssaccio
mò nun c’azzecca cchiù me pare aiere,
ò ssaccio, ò ssaccio
cà a’ for’è mugliera e mamma si pure …femmena,
ò ssaccio, ò ssaccio
ca ancora te siente ‘ncuollo cocch’uocchio malandrino
e pure qualche bello surdiglino,
ò saccio, ò saccio
d’è tanti cose brutte c’ammo passate,
ca nun so state sempe rose e ciur,
ma lassammelo ‘nzerrato stu tratur,
Oggi è festa, ‘a festa toja,
‘a festa e nà crijatura,
e nun me pare ajere,
no,
nun me pare ajere,
me pare mò!
e vurrija c’ò Pataterno
stu surriso tuojo ‘o lassasse eterno.
Guardatela, guardatela tutti quanti comm’è bella
putess’essere ‘a guappa Reginella!
Ma che r’è? ve veco dint’all’uocchie l’ironia?,
Gesù!, vuje ve crerite ca chest’a è ‘na bucija?
Oh scusate, avite raggiona, nun’è colpa vost’
l’avisseva putè guardà cu’ ll’uocchie nuost!
